मृणाल ठाकूर साऊथ सुपरस्टार च्या प्रेमात सगळीकडे एकच चर्चा !बघुया आहे तरी कोण ?

मुंबई: सध्या मनोरंजन विश्वात एका अनपेक्षित जोडीच्या नात्याची जोरदार चर्चा सुरू आहे. 'सीता रामम' या चित्रपटामुळे 'नॅशनल क्रश' बनलेली मराठमोळी अभिनेत्री मृणाल ठाकूर (Mrunal Thakur) आणि दाक्षिणात्य सिनेसृष्टीचा सुपरस्टार धनुष (Dhanush) हे रिलेशनशिपमध्ये असल्याच्या चर्चांना उधाण आलं आहे. दोघांना अलीकडे काही पार्ट्यांमध्ये आणि कार्यक्रमांमध्ये एकत्र पाहिल्यानंतर त्यांच्यातील 'सिक्रेट' नात्याबद्दलच्या चर्चा सोशल मीडियावर व्हायरल झाल्या आहेत.

कार्यक्रमांमधील एकत्र हजेरीने चर्चांना उधाण

सूत्रांनी दिलेल्या माहितीनुसार, मृणाल आणि धनुष अनेकदा एकत्र स्पॉट झाले आहेत. नुकत्याच झालेल्या काजोलच्या 'मा' आणि 'सन ऑफ सरदार २' च्या प्रीमियरलाही धनुषने मृणालसाठी खास हजेरी लावली होती. या कार्यक्रमांमध्ये दोघांमधील केमिस्ट्री आणि सहज वावर कॅमेऱ्यांच्या नजरेतून सुटला नाही. याच पब्लिक अपिअरन्समुळे त्यांच्यात मैत्रीपलीकडचं काहीतरी शिजत असल्याचा अंदाज वर्तवला जात आहे. मग ही केवळ मैत्री आहे की एका नव्या लव्ह स्टोरीची सुरुवात? हा प्रश्न चाहत्यांना पडला आहे.

'सीता रामम' कनेक्शन: कशी झाली पहिली भेट?

'सीता रामम' या चित्रपटाला मिळालेल्या अभूतपूर्व यशानंतर मृणाल ठाकूर दाक्षिणात्य चित्रपटसृष्टीतही एक ओळखीचा चेहरा बनली आहे. ती अनेकदा शूटिंगच्या निमित्ताने मुंबई आणि हैदराबादमध्ये प्रवास करत असते. असं म्हटलं जातंय की, दक्षिणेतील अशाच एका कार्यक्रमात मृणाल आणि धनुष यांची पहिली भेट झाली. या भेटीचं रूपांतर आधी मैत्रीत आणि आता हळूहळू एका खास नात्यात झाल्याचं बोललं जात आहे.

नातं का ठेवलंय 'Low-Key'?

रिपोर्ट्सनुसार, हे नातं अजून खूप नवीन आहे, त्यामुळे मृणाल आणि धनुष याला कोणताही गाजावाजा न करता पुढे नेऊ इच्छितात. त्यांना सध्या हे नातं मीडियापासून दूर ठेवायचं आहे. असं असलं तरी, त्यांचे जवळचे मित्र या नात्याला पूर्ण पाठिंबा देत आहेत, कारण दोघांच्या आवडीनिवडी आणि विचारसरणी बरीच मिळतीजुळती आहे.

विशेष म्हणजे, धनुष त्याच्या वैयक्तिक आयुष्यात १८ वर्षांच्या संसारानंतर पत्नी ऐश्वर्या रजनीकांतपासून २०२२ मध्ये विभक्त झाला आहे. सध्या दोघेही आपापल्या मुलांचं संगोपन करत आयुष्यात पुढे वाटचाल करत आहेत.

अद्याप मृणाल किंवा धनुष या दोघांपैकी कोणीही या नात्यावर अधिकृत शिक्कामोर्तब केलेलं नाही. पण, त्यांच्या वाढत्या भेटीगाठी पाहता, लवकरच यावर काहीतरी खुलासा होईल, अशी अपेक्षा त्यांचे चाहते करत आहेत.