शेतकऱ्यांसाठी खुशखबर! ट्रॅक्टर खरेदीवर मिळणार 50% पर्यंत अनुदान – अर्ज कसा करावा? पूर्ण माहिती

 तुम्हीही अशा पोस्ट वाचल्या असतील – "शासन देतंय 50% पर्यंत अनुदान!" आणि मग लगेच मनात प्रश्न येतो, "मग ट्रॅक्टरला पण मिळणार का? खरंच 50 टक्के मिळतं का?"आता या सर्व प्रश्नांची उत्तरं सोप्या भाषेत, एका लेखात देतोय... तेही तुमच्यासारख्या मेहनती शेतकऱ्यांसाठीच!

अनुदान खरंच मिळतं का? आणि कोण देतं?

होय, मित्रांनो! ट्रॅक्टर, फवारणी यंत्र, हार्वेस्टर, नांगरणी यंत्र, आणि अशा अनेक कृषी अवजारांसाठी राज्य व केंद्र सरकारकडून 40 ते 50 टक्के पर्यंत अनुदान दिलं जातं.

शासनाच्या 3 प्रमुख योजना यासाठी चालू आहेत:

• केंद्र पुरस्कृत कृषी यंत्रीकरण योजना (RKY)
• राज्य पुरस्कृत कृषी यंत्र योजना
• कृषी समृद्धी योजना (नवीन योजना – 2025 पासून सक्रिय)

ट्रॅक्टरसाठी किती अनुदान मिळतं?

बऱ्याच शेतकऱ्यांचा सगळ्यात मोठा प्रश्न: “ट्रॅक्टरवर 50% अनुदान मिळतं का?”

उत्तर: मिळतं! पण एका मर्यादेपर्यंतच.  ट्रॅक्टरसाठी ₹1.25 लाख (अधिकतम) अनुदान मिळू शकतं.

यामध्ये "50% किंमत किंवा ₹1.25 लाख" यापैकी जे कमी असेल तेच लागू होतं.

कोणत्या अवजारांवर मिळतं अनुदान?

बऱ्याच प्रकारची यंत्र अवजारे या योजनांतर्गत येतात. यामध्ये:

• हार्वेस्टर, रोटाव्हेटर
• नांगरणी यंत्र, फवारणी पंप
• सोलर फवारे, ट्रॅक्टर-चलित फवारे
• फळबाग सिझर, छाटणी कटर
• मनुष्यचलित आणि बैलचलित अवजारे
• काढणी, पेरणी, लावणी यंत्र
• अवजार बँकेची स्थापना

👉 संपूर्ण यादी महाडीबीटी पोर्टलवर उपलब्ध आहे.

कोणाला किती % अनुदान मिळतं?

शेतकरी प्रकार	किती अनुदान?
अनुसूचित जाती-जमाती, महिला, अल्पभूधारक	50% किंवा निश्चित रक्कम
इतर सर्वसामान्य शेतकरी	40% किंवा कमी रक्कम

यामध्ये प्रत्येक अवजारासाठी कमाल मर्यादा ठरवलेली आहे – उदा. ₹30,000, ₹50,000 इ

अर्ज कसा करायचा? (Step-by-Step)

 एकच अधिकृत पोर्टल: https://mahadbt.maharashtra.gov.in
 यावर "Farmer Scheme" मध्ये लॉगिन करून अर्ज करायचा आहे.

अर्ज करण्यासाठी लागणारी महत्त्वाची पावलं:

1. Farmer ID वापरून लॉगिन करा
2. तुमचं प्रोफाईल 100% भरा (आधार, बँक डिटेल्स, जातीचा तपशील इ.)
3. “कृषी यांत्रिकीकरण योजना” निवडा
4. हवं असलेलं अवजार निवडा
5. कोटेशन + कागदपत्रं अपलोड करा
6. अर्ज मंजूर झाल्यावर, फेस रिपोर्ट, बिल, चलन सादर करा

 आवश्यक कागदपत्रं

• आधार कार्ड
• बँक पासबुक (DBT खातं असणं आवश्यक)
• ट्रॅक्टर असेल तर RC Book
• अवजाराचं कोटेशन
• महाडीबीटीचा Farmer ID

 विशेष अटी आणि सूचना

• एका शेतकऱ्याला एका वर्षात एकच अवजार घेता येईल
• एकदा अनुदान घेतल्यावर 10 वर्षांत पुन्हा त्याच यंत्रासाठी अनुदान मिळणार नाही
• अनुदान घेतलेलं यंत्र विकता येणार नाही

भाऊसाहेब फुंडकर फळबाग लागवड योजना: फळबाग लावा, 2 लाख पर्यंतचे अनुदान घ्या! वाचा सविस्तर रिपोर्ट

फसवणूक टाळा!

बऱ्याच वेळा सोशल मीडियावर, युट्यूब वर आपण बघतो –
"चार लाख मिळणार!"
"50% मिळेल गॅरंटीने!"

पण प्रत्यक्षात योजना राज्याच्या अटी-शर्तींवर चालतात.
म्हणून आधी योजना वाचून, आपल्या जिल्ह्यासाठी कोणती योजना लागू आहे हे तपासा, मगच अर्ज करा.

ही योजना "प्रथम येणाऱ्या, प्रथम प्राधान्य" या तत्त्वावर चालते.म्हणजे लवकर अर्ज करा – लवकर अनुदान मिळवा!शेतकरी मित्रांनो, आजचा जमाना आहे यांत्रिकीकरणाचा. तुमचं काम कमी, उत्पादन जास्त हवं असेल तर ह्या योजनांचा लाभ घ्या. महाडीबीटी पोर्टलवर लॉगिन करा, अर्ज करा आणि तुमचं स्वप्नातील अवजार घरपोच आणा – तेही अनुदानावर!