मला मूल नकोय! मराठी अभिनेत्रीने घेतला आई न होण्याचा निर्णय? कारण ऐकून व्हाल थक्क

 मराठी चित्रपटसृष्टीतून करिअरला सुरुवात करून हिंदी मालिकांमध्ये आपली छाप पाडणारी लोकप्रिय अभिनेत्री नारायणी शास्त्री सध्या तिच्या वैयक्तिक निर्णयामुळे चर्चेत आहे. समाजातील परंपरागत अपेक्षांना धक्का देत नारायणीने स्पष्ट केलंय की ती आई होणार नाही, कारण तिला तिचं अभिनय करिअर थांबवायचं नाही.

नारायणी शास्त्री हिला पक पक पकाक या मराठी चित्रपटातून ओळख मिळाली होती. सध्या ती हिंदी टेलिव्हिजन मालिकांमध्ये सक्रिय असून तिच्या अभिनय कौशल्याची दखल प्रेक्षक घेत आहेत. पण तिच्या खासगी आयुष्यात घेतलेल्या एका निर्णयामुळे ती पुन्हा एकदा चर्चेत आली आहे.

एका मुलाखतीत नारायणीने स्पष्ट सांगितले की, आई होणे ही एक जबाबदारीची गोष्ट आहे, जी तिला स्वीकारायची नाही. “मला माहित आहे की जर मी आई झाले, तर मला काही काळासाठी काम थांबवावं लागेल – आणि मी ते करू इच्छित नाही,” असं ती म्हणाली.

नारायणीचा हा निर्णय केवळ तिचा वैयक्तिक नाही तर पती स्टीव्हन ग्रेव्हल यांच्यासोबत चर्चा करून घेतलेला आहे. “आम्ही दोघंही या निर्णयावर एकमत आहोत. आम्हाला आमचं आयुष्य मुलांशिवायही आनंदी आणि पूर्ण वाटतं,” असं ती म्हणते.

का घेतला आई न होण्याचा निर्णय 

भारतीय टेलिव्हिजन आणि चित्रपटसृष्टीत, अभिनेत्रींसाठी मातृत्व म्हणजे करिअरला ब्रेक लावणं. अनेकदा मातृत्वानंतर अभिनेत्रींच्या संधी कमी होतात. नारायणीचा निर्णय हे वास्तव अधोरेखित करतो.सध्या नारायणी क्यूंकि सास भी कभी बहू थी, निमकी मुखिया, आणि इतर हिंदी मालिकांमध्ये महत्वाच्या भूमिकांमध्ये झळकत आहे. तिच्या सातत्यपूर्ण अभिनय प्रवासामुळं ती टेलिव्हिजन क्षेत्रात आजही लोकप्रिय आहे.नारायणीने यापूर्वी एका विवाहातून वेगळं होण्याचा निर्णय घेतला होता. त्यानंतर तिने स्टीव्हन ग्रेव्हलशी लग्न केलं आणि आज ते दोघंही एकत्र सुखी आयुष्य जगत आहेत.

वनतारा झुकणार? पालकमंत्र्यांची थेट चर्चा, ‘मधुरी’ परत येणार?

नारायणी शास्त्रीचा निर्णय केवळ तिच्या वैयक्तिक आयुष्यापुरता मर्यादित नसून, समाजात बदल घडवण्याची क्षमता ठेवतो. अभिनय क्षेत्रात काम करत असताना मुलं न होणं, ही निवड अजूनही अनेक अभिनेत्रींसाठी जणू "तडजोड" मानली जाते. मात्र नारायणीसारखी अभिनेत्री जेव्हा मोकळेपणाने आणि ठामपणे आपला निर्णय मांडते, तेव्हा तो सामाजिक रूढींना आव्हान देणारा ठरतो.