या बॉलिवूडच्या अभिनेत्री आणि तिच्या पतीने 60 कोटी गिळले? आरोप करत व्यापाऱ्याने केली FIR , बघा नेमकं काय आहे प्रकरण

बॉलिवूड अभिनेत्री शिल्पा शेट्टी आणि तिचा पती राज कुंद्रा यांच्यामागे लागलेले संकटांचे शुक्लकाष्ठ संपण्याचे नाव घेत नाहीये. पॉर्नोग्राफी प्रकरणाच्या वादळातून सावरत असतानाच, आता या दोघांवर ६० कोटी रुपयांच्या फसवणुकीचा एक भयंकर आरोप झाला आहे, ज्यामुळे संपूर्ण बॉलिवूडमध्ये पुन्हा एकदा खळबळ उडाली आहे. मुंबईतील एका व्यापाऱ्याने केलेल्या या आरोपानंतर हे प्रकरण थेट आर्थिक गुन्हे शाखेकडे (EOW) गेले आहे.

WhatsApp Group Join Now

Telegram Group Join Now

Instagram Group Join Now

नेमका काय आहे हा धक्कादायक प्रकार?

Shilpa Shetty, Raj Kundra Charged With Cheating Businessman Of Rs 60 Crorehttps://t.co/R2TNiTMb34 pic.twitter.com/hj8jqnW2hX

— NDTV (@ndtv) August 14, 2025

हे संपूर्ण प्रकरण 'बेस्ट डील टीव्ही प्रायव्हेट लिमिटेड' या शिल्पा आणि राज यांच्या कंपनीशी संबंधित आहे. मुंबईतील व्यापारी दीपक कोठारी यांनी पोलिसांना दिलेल्या तक्रारीत खळबळजनक दावे केले आहेत. कोठारी यांच्या म्हणण्यानुसार, त्यांना कंपनीत पैसे गुंतवण्यास सांगण्यात आले. त्यांना मोठा परतावा देण्याचे आणि कंपनीचा भागीदार बनवण्याचे आश्वासन देण्यात आले. या आधारावर कोठारी यांनी २०१५ ते २०२३ दरम्यान तब्बल ६०.४८ कोटी रुपये कंपनीत गुंतवले.

परंतु, कोठारी यांचा आरोप आहे की, हे पैसे कंपनीच्या कामासाठी वापरलेच गेले नाहीत. उलट, शिल्पा आणि राज यांनी या पैशांचा वापर स्वतःच्या वैयक्तिक खर्चासाठी आणि इतर कंपन्यांमध्ये वळवण्यासाठी केला. जेव्हा कंपनी तोट्यात गेली आणि पैसे परत मागण्याची वेळ आली, तेव्हा त्यांना धमक्या देण्यात आल्याचा गंभीर आरोपही कोठारी यांनी केला आहे. आपली फसवणूक झाल्याचे लक्षात येताच त्यांनी थेट पोलीस स्टेशन गाठले.

कौन बनेगा करोडपती १७ मध्ये मोठे बदल ,ही लाईफ लाइन पण झाली बंद ,जाणून घ्या सर्वकाही

कायद्याच्या कचाट्यात सापडण्याची ही पहिली वेळ नाही!

शिल्पा आणि राज यांच्यासाठी कायदेशीर वाद नवीन नाहीत. राज कुंद्राला पॉर्नोग्राफी प्रकरणात तुरुंगाची हवा खावी लागली होती, ज्याने त्याच्या प्रतिमेला मोठा धक्का बसला. याशिवाय, अंमलबजावणी संचालनालयाने (ED) देखील त्यांच्यावर कारवाईचा बडगा उगारला होता. आता या नव्या प्रकरणामुळे त्यांच्या अडचणीत प्रचंड वाढ झाली आहे.

या गंभीर आरोपांवर शिल्पा शेट्टी किंवा राज कुंद्रा यांच्याकडून अद्याप कोणतीही अधिकृत प्रतिक्रिया आलेली नाही. मात्र, त्यांच्या वकिलांनी हे आरोप फेटाळून लावले आहेत. सध्या आर्थिक गुन्हे शाखा या प्रकरणाचा कसून तपास करत असून, या हाय-प्रोफाइल केसमध्ये पुढे काय होते याकडे सर्वांचे डोळे लागले आहेत.